LALPA MIN TAWNGTAI TIR SUH!

Tam tak chu he thupui vang hian an  ner nghal ngei anga, eng emaw zah chuan piangthar lo hialah min chhuah anga, thenkhat phei chuan Kristianna do angah min puh duh hial ang. A rau mi tak chu ni lo mah ila chutiang anga min lo sawi zui chuan kan ngaih dan a in an loh vang mai mai tih in lo hre hmasa dawn nia!

Kristian za-ah za (100%) a in chhala kan lawm ve em em lai hian ‘Tawngtai’ tih thumal kher hi chuan sawifiah a ngai awm lo e. Amah erawh chu Kristian tia inchhal apiang hi Kristian chu kan ni ang em tih zawk hian ngaihtuah a ti thui khawp mai. Kristian in a tih tur a awm, chu mi engmah ti mang si lo, “Kristian ka ni” ti tho si ho hi eng category ah nge kan dah ang? Zoram hi kan vannei nge van duai. Zurui kawngsira lo letthlu reng pawh eng sakhua nge a nih han zawt ila ‘Kristian’ tih bak chhanna kan dawng chuang lo ang!! Lal Isua leh a zirtirte’n awm dan tur min zirtir ang chuan an awm lo chiang, mahse Kristian-ah an inchhal ngam tho. Heng ho zawng zawng hi Chhandamtu hian Kristian-ah a pawm vek thei a nih chuan sakhaw zui hahdam ber a ni khawp ang. Nge Mizote hian Kristianna hi kan ti-bawrhbangin ka ti-zahawm lo mai mai zawk? Za-ah za hian kan la inchhal fan dawn tho nge kan ka kan chip tawh zawk ang?

Mizote Kristian dan hi kan sawi zel dawn chuan a tawp thei dawn lo! Chuvangin kan thupuiah kan let tawh ang.. “Lalpa min tawngtai tir rawh” tih hla sain hlim taka kan lam durh durh ka hmuh chang hi chuan kei chu ka ip chawih chawih thin! Hla dang lo thlan hnan mai ka duh rum rum thin. A huaisen thlak pap pap em mai. Bible-ah ‘Mihring siam thatna’n khawdur a ngaihthu kan hmu. Mihring zia chu keini aiin a Siamtu hian a chiang, Amah kan hnaih lai ber leh kan auh nasat lai ber chu kan mangan lai a ni tih hi. Kan rin Pathian hian “Um, in duh a nih te chuan...” ti-in manganna vawr tawp hi min han thlen chiah sela, kan buai dan tur chu a chiang sa reng. Kan ngaihtuah kim loh vang nge ka ngaihtuah dan hi a dik lo zawk? Kei chuan ‘Lalpa min tawngtai tir suh’ tih hi ka la thlang fan.. Ama tawngtai tir ngai khawpa Amah hlat leh mangang em chu kan ram zimta-ah hian kan awmin ka ring lo!! Kristian niin kan inchhal vek a nih si te chuan..

A thuhrimin Mizo te hi chu kan mak khawpa, Pathian thu diriam vak vak thin te pawh hian an mangan darkar-ah chuan ‘Tawngtai’ bak kawngdang an hre tak tak chuang lo. Mi hriata an tawngtai kher lo a nih paw’n rilru tawngtaina an nei tal thovin ka ring. Chuvangin Ama tawngtai tir ngai khawp hi chuan Amah hi hlat lul lo ang u, manganna leh harsatna vawr tawp pawh kan chungah lo thleng lul suh se. A tawngtai tir ngai khawpin Amah hi kal bo san kan tum zawk em ni? Nge vanduaina thuah chhawng sarih vel kan tawng baw chak zawk? Ama tawngtai tir kan ngaih hmain tawngtai zel hi i tum zawk teh ang u.. Ama tawngtai tir ngai khawpa kan tal a nih chuan, min tawngtai tirna’na a hmanraw hman tur kha a theu neu lovang tih a chiang si a. Lalpa min tawngtai tir suh!

LIRTHEI ATANGIN TAWLHPAHRITAH!

Fur a in tan leh dawn ta, kan veng tan chuan lirthei (Motor) ai mah chuan tawlhpahrit a fu leh tan dawn zawk a ang!! Dam lo serious tak, emergency a phurh tur fur chhung hian awm lo hram se tih hi kan tawngtaina a ni.. In hrilhhai lutuk palh ang kan sawi chiang law law ang e!

Kan veng chu Khuangpuilam a ni a, Kolasib khaw hmar lam tawn tirh kawngpui dung leh tlang lera awm a ni. Tuna ka rawn khel tur tak hi chu tlang veng lam pang chauh hi a ni ang!

Ka ngaihtuah vang vang hian kan veng tluka ram leh hnam hmangaiha Sorkar (eng Party pawh Sorkar se!) mualpho phal lo hi an awm dawn em ni ka ti thin. Sorkar mualpho hlauin vawi eng zat nge kan hnatlan tawh tih te leh kan tha leh zung sen ral hi chu a chhiar pawh ka chhiar seng hek lo!! Hei tak hi kan veng tinuamtu leh inunauna tithatu a ni lawi si.. Tam tak chuan tul lovah in intihah min ti mai thei.. Mahse kan tha sen hi a thlawnah kan ngai ngai lo. Kan veng kawng siamthat hna thawk tura Sorkar in a tih JR Construction erawh kan dem lo thei lo.. An Pisa puiah hial kan thalai lam, Khuangpuilam Youth club te chuan han len chilhin NBCC leh Sorkar lam hruaitu leh hnathawk te hial pawh an han dawr fo tawh.. Vawiin ni thlengin eng hlawhtlinna mah kan la hmu lo cheu!

Kan bialtu Minister zahawm tak hnenah pawh a chak min ngaihtuahsak chuan mipuiin kan thawk mai ang ti-hialin ngenngawl takin an han kal. A ni'n ruahmanna tha tak min lo siamsak lah PWD lamin boulder kan indaih lo an lo titlat bawk si.. Tawngkam tha ni lovin thiltih hmu duh veng kan nih chu a lang chhuak thuaia, phunnawi mai mai lovin kan theih ang angin kan kawngpui neih ve chhun chu kan thawm ve ngial thin. Mimal tlawmngaiin an boulder neih ang ang te rawn thawhin thahnem ngai takin kawngchhelaiah kan phah ve a. Tin, KYC lam hian NBCC in Kolasib N.H. 54 an repair dawna aan metal nawr khawh tam tham tak kha lei chhawngin chung te pawh chu phah a lo ni tawh thin. Chung kan phah ang ang te tal chu rawn chil mam tura Deptt lam kan ngen paw'n Roller kan indaih lo tih bak chhanna kan dawng ngai hek lo. Chung zawng zawng chu phunnawia Sorkar timualpho chuang lovin kan ngawih bopui zel.. Hotute hnena thlen lah ar mawng biak ang chauh a ni tih kan chiang.. Beisei nei tawh lo chung si a heti khawpa Sorkar mualpho hlau veng hi an awm dawn em ni!! Tam tak chuan ang chhuaka Zoram mipui hriata thawm nei tur hial pawn kan thalai lam KYC te pawh hi fuih pawrh an lo tum fo tawh thin, Sorkar hmasa hun lai ata tawh khan.. Kum 10 chuang kawng dung cheibawl sak tawh loh veng tan chuan lo ti ta pawh ni ila a awm hliah hliah.. Mahse kan hruaitute hian Sorkar a mualpho chuan ram leh hnam a mualpho a, chu chu kan zavaia mualphona a ni an tithei zel hi a ni ka fak loh theih loh chu!

Party thlei bik an nei lo a, eng party vang maha ram leh hnam mualpho kha kan hruaitute hian an phal lo. Inthlan a lo awm leh mah anga, he kawng hi siamthat a nih loh chuan kan veng chuan an vote pek dan tur erawh ka chiang, kan veng tluka veng lungrual tam hek lo.. An tling nawn mawh khawp mai kan veng kawng hi an siamthat loh chuan.. Sumin an vote an lei emaw pawh inti se an vote pekn tur chu ka chiang, a leitu te hian an chiang lo mai pawh a. A thlawnin sum an seng thlawn a ni. Ram leh hnam hmangaihtu thinlung chu hliamin a awma, a hliamtu te chu an mahni sum leh pai tihhek sak ve kha an duh a ni mai, thiam loh theih pawh an ni lo.. In thlan han awm leh se la kan hria ang chu.. Kan rin Pathian hian a mite ngaihsaklotu chu min paihthlak sak leh em em ang!!

A veng mipui te hian theih ang tawpin Sorkar mualphona dal tum thin mah ila Furchhia hian a rawn lai lang leh thin bawk si.. Kan inngaihtuah tlan chu a ngai a ni!!

Long live Khuangpuilam!!!

Good old days in Pachhunga University College!

Me, Mesty & Masky!!

KTP General Conference 2010 @ Mamit

NANG LEH ANNI!

"Mami/Mama, tho rawh eirawngbawl a ngai" ti a kai thawh i ni a,
Anni zawng "Ma'mte, chhungte ruala ei ve hram tum teh.." ti a thlem thawh zawh loh an ni!

I thawh tlai palh changin inthlahrung dekin chaw i rawn kil a,
Anni zawng chhungte eikham fel kim dawnah an rawn tho chhuak, a ni lo an rawn phun chhuak a ni zawk!

"Vawiin chuan chumi khami kha lo ti ang che" ti-a i ni bul kan tan sak lai chein,
Anni zawng "Vawinah chu Safari ka lo keng ang aw, Swift hi i keng mai dawn nia.." tiin an thlem tan!

Nang chu kan duh loh dana i awmin hremna kan pe thin che a,
Anni zawng an duh dan dana nungin an nu leh pate pa et an tirethei let hlauh thung.

Nang chu hrem che mah ila hmangaihna in kan tuam dam leh che a,
Anni zawngin a tuam dam tumtu an nu leh pa te an hliam thung si thin a.

Nang chu Pathian rawna kan hruai dan ang che apingin i nunga,
Anni zawngin an duhdan danin chhungkua an kuai her a.

I tan chuan nun hi a chep ngawih ngawihin a langa,
Anni tan zawng khawvel hi a zalen lutuk mah mah lu deuh a ni.

I tana thuawih har tur zia leh nun khirhzia hi kan hai lo,
Anni tana nun thuhawih awlsam bik zia chenin kan hre lo a ni lo.

Zalen taka nun tir che kan duh avanga khirh taka enkawl che kan ni,
Anni zawngin zalen an hmasak avangin an an nun a la khirh dawn chauh si!

Nang zawng nuamsak beiseiin i hrehawma
Anni zawng nuamsa takin an hrehawm ngawih ngawih thung si a.

Nang chuan tuar hram hram la, tuar chhuak ang che,
Anni'n nun chenin lo beidawng ta pawh ni se!

Ode to PUC

'Tis hard for me to say Goodbye;
But no more day's left to be with you.
'Tis not my choice to say Goodbye,
Thought time makes me apart from you.

'Tis you who change my world,
I'm glad for you help me cope.
Thou gives me strength to face the world,
I'm glad for you give me hope.

'Tis you who guide me through stormy scenes,
I'm glad for you calm my fears.
You bring me up behind the scenes,
I'm glad for you wipe my tears.

For all you are and all you do,
My heart's abound with words of thanks to do.
I'm glad for you bring my bonny,
That I might have a life-time Honey.

(Pachhunga University College ka chhuahsan dawn kumah he College ka tana a hlutzia hetiang hian ka thiam ang tawkin free verse in kan puang ve dum dum a nih kha!)

Kolasib Diakkawn Taxi Stand hi...

Kolasib hian ka tana thilpek ropui tak tak min pek laia he ka pian ka seilenna khua tan hian pek let theih ka neih tlem zia ka ngaihtuah changa zak ngawih ngawiha ka awm fo vanga he thu hi ziak chauh ka ni.. Ka thiam vang a ni lo a, ka rawtna hi a that em vang pawh a ni lo, Kolasib ka hmangaih em vang chauh zawk a ni.. A hre zawkte chai chhunzawm tur tala chhawp chhuah hi Kolasib hmangaihtu chuan a tih tur-ah ka ngaih vangin ka thiam loh ang angin kan thai lang ve hram ang e..

 Kolasib veng lun lai leh eichawp dawr chi hrang hrangte'n eizawnna hmunpui atana an hman Diakkawn chhunga Auto-Rickshaw leh Taxi stand a awm hi chu thil awm lo ni lovin a inhmeh lutuk tlat. Thil tih awm reng pawh a ni. Mahse a awmna hmun khu National Highway zulzui a ni a, in opposite chiaha dah a ni erawh khu chu a fuh lutuk lem loin a lang.. Mipui bukna lai, National Highway dung leh nghal-ah in ep chiaha heng stand pahnih hi dah a nih vang hian kawngdung a chep phah a ni mai lo.. Mipui mimir tan pawh him lohna chin a va tam em. kawng ngil thra phei lai a ni a, thalai hawklak chak tak taka tlan an lo awm ve reng bawk nen.. A hmun hi kan sawi danglam hret a nih loh chuan Kolasib-a motor chetsual tamna ber hmun-ah a la chang palh ang tih a hlauhawm thei dawnin ka hria. Taxi Stand hi sawn chhuah leh mai a thra lo maw? Auto-Rickshaw ho nen inep chiaha an awm chu thu hran a wrong side zawngin an la hawi thrup zui bawk si.. Hmar atranga rawn kal te tan an side a nih laiin Taxi te khu hmar lam hawiin an ding tlat si a, luh leh chhuah lai vel pawh khuan chesual an la awm nual lovang tih a sawi theih bawk loh.

STAND SAWNCHHUAK LOVA AN HAWIDAN ZAWNG THLAK TIR: Mi tam tak rilru-ah chuan hei hi a lo lang nghal mai thei.. Taxi stand-a ding Taxi te hawi dan zawng thlak danglam hi.. mahse a dik thei chuang tlat lo. Hmar lam hawi lo khuan chhim lam hawi ta thung se a hlauhawm zawk ma thei tlat! Hmar lam hawia an tlan duhin kawnglaia in her mai loh chu inherna rem chang a awm dawn si lo.. Tunah khu chuan an hawi loh zawng (Chhim) lama kal a ngaih pawn Diakkawn Square-ah an va in turn mai thei.. Mahse chhim lam an hawi chuan chutianga in turn-na tur remchang chu a awm tawh tlat lo.. Chu chuan tun ai maha dinhmun him lo min thlen thei tlat.. Chuti chuan ti thei ila ti a rawtna chu nei mai bik lo mah ila hei erawh ka sawi duh, tuna kan awm ang hi chu a him mawlh lo. Nakin lawkah phei chuan mipui mimir zawk hi an la auchhuak ngei ngei ang.. Khua a tlai hma leh sawisel kan hlawh hma-a thil thra zawk kan hriat chuan zawm thiam a, ngaihtuahna fim lo sewn lawk kha engnge a pawina tur awm chuang!? Ka sawi zui thiam vak lo.. U Zaia te hovin han chai se ka van tikher em...